![Dette vert den nye heimebanen for byråtoppen Bendik Hareide. No er han klar for engelsk fotball. Dette vert den nye heimebanen for byråtoppen Bendik Hareide. No er han klar for engelsk fotball.](https://image.kom24.no/724614.webp?imageId=724614&width=720&height=411&format=jpg)
Byråtopp blir sportsdirektør i engelsk proff-fotballklubb
Moldensere prøver nok en gang å eie engelsk fotballklubb
Ein gjeng moldensarar som kjøper opp ein fotballklubb i England.
Har du høyrd den historia før?
På slutten av 1990-tallet kjøpte Kjell Inge Røkke og Bjørn Rune Gjelsten opp Premier League-klubben Wimbledon og fann ut at dei skulle flytta den ti mil unna og skifta namn på klubben.
No har igjen ein gjeng moldensarar vore på oppkjøpsraid i England og kjøpt opp den engelske fotballklubben Burton Albion.
Det skriv fleire norske medier.
Med på oppkjøpet er han som for mange er kjent som son til Åge Hareide, Bendik Hareide.
For folk i kommunikasjonsbransjen er han og kjent som leiar for sal og forretningsutvikling i Molde-byrået Tingh.
No er han vorte sportsdirektør i Burton.
– Ja, eg kan bekrefte at eg blir sportsdirektør i Burton Albion. Det er ein tradisjonsrik og respektert klubb i England. Som dei fleste i Skandinavia har eg alltid hatt sterke band til England og engelsk fotball, seier Bendik Hareide til NRK.
Det er Nordic Football Group som står bak oppkjøpet.
Klubben spelar i League One og redda seg såvidt frå nedrykk, då dei hamna på den siste trygge plassen, berre to poeng over nedrykksstreken.
Hareide har no søkt om permisjon frå jobben sin i Tingh og som styremedlem i Molde fotballklubb.
– Burton Albion er ein tradisjonsrik og respektert klubb i English Football League. Det er ei veldig spanande oppgåve me tar fatt på no. Klubben står sterkt i lokalsamfunnet og har eit stort potensial. Dette er dag 1, og no startar arbeidet. Eg ser fram til å vera med og utvikla klubben vidare, seier Hareide til Romsdals Budstikke.
Heile klubben får no toppleiing frå Norge.
Har du tips til denne eller andre saker? Kontakt oss på: tips@kom24.no